Барои табобати арзон ин тугмаро пахш кунед
БЕМОРИСТОНИ ИБНИ СИНО Ёрии таъҷилӣ: (+992) 900 93 03 03
Бемористони байналмилалии Ибни Сино

Хабар

  • АТЕРОСКЛЕРОЗ Ё "ШӮЛАИ ҒАЛИЗ"

    Атеросклероз равандест, ки дар решаи бештари бемориҳои системи дилу-раг нуҳуфта гардидааст. Ин беморӣ инчунин ба бемории қанд низ таъсири манфии зиёд дорад ва яке аз сабабҳои аворизи ин беморӣ ба шумор меравад.

     
  • БЕМОРИҲОИ ДАСТГОҲИ ГУВОРИШӢ (МЕЪДАВУ- РӮДА)

    Мутаасифона имрӯз ҳатто афроди нисбатан ҷавон, ки тарзи ҳаёти солим мебаранд метавонанд ба мушкилоти дастгоҳи гуворишӣ (меъдаву руда) дучор гарданд. Қабзият (запор), дарунравӣ (исҳол), нафхи шикам (метеоризм), дарди меъда, варами (иттисои) шикам метавонанд нишонгари бемориҳои гуногун бошанд.

     
  • ДАНДОНҲОИ СУНЪӢ

    Дандони сунъи ё протезҳои дандон дар асл тақлиди қисмати болоии дандон ба шумор меравад. Дандонҳои сунъӣ имрӯз аз масоили маҳкам ва тобовар сохта мешаванд ва дар зоҳир аз дандонҳои табии ҳеҷ тафовуте надоранд.

Мо дар Facebook

Обу ҳаво

Бахши нейроҷарроҳӣ

Шӯъбаи нейрохирургии Бемористони Ибни Сино 2 сентябри соли 2013 ифтитоҳ ёфт. Аз ин сана расо як сол сипарӣ шуда бошад ҳам, дар ин муддати начандон зиёд мутахассисони варзидаи мо беш аз 100 амали ҷароҳии чурраи байни мӯҳраҳои сутунмӯҳра, спондилолистез ё бартараф намудани беҷошавии мӯҳраҳо, спондилолиз - бартараф намудани ноустувории мӯҳраҳо бо воситаи лавҳаи титан  бобарор анҷом доданд, ки ҳамагӣ ҳамроҳ бо муввафақият буд.

Чунонки  доктор Қурбоналӣ Мирзобеков зимни сӯҳбат бо мо изҳор дошт, - ин гуна  ҷарроҳиҳо  дар Бемористони Ибни Сино пайваста сурат мегиранд ва дар ин бахш онҳо ба нишондодҳои назаррас  ноил гардидаанд.

- Беморони ҷароҳишуда ба ҳолати маъмулӣ  баргашта, имрӯз зиндагии фаъолро идома медиҳанд. Мутахассиси варзидаи эронӣ, доктор Аббоси Бахтиёрӣ ин гуна ҷароҳиҳои сутунмӯҳраро дар сатҳи баланди ҳирфаӣ анҷом медиҳад. Ба воситаи лавҳаи титание, ки байни мӯҳраҳои сутунмуҳра гузошта мешавад, сутунмӯҳраи бемор дубора мустаҳкаму солим мегардад.

- Барои як нафар беморе, ки чурраи сутунмӯҳрааш гирифта шудааст ва ё лавҳаи титан гузошта шудааст, чӣ  фурсате барои ба по хестанаш лозим мешавад?

- Баъди гузоштани лавҳа ё қатъи чурраи сутунмӯҳра бемори ҷарроҳишуда 5-6 рӯз бояд дар беморхона зери назорати духтур бимонад. Аммо алакай дар рӯзи  2 ё

3-юми баъди амал ӯ метавонад дар дохили ҳуҷрааш бо миёнбанд хеста, гашту гузор кунад. Дар зарфи се моҳи дигар ӯ бояд зери назорати духтур бошаду фармоишоти докторро риоят бикунад, - таъкид кард Мирзобеков. Вай афзуд, ҳамаи ин ҷароҳиҳо дар Бемористони мо бо усули буриши кӯтоҳ анҷом мешаванд, ки имкон медиҳад бемор баъди ҷарроҳӣ зуд саломатиашро барқарор намояду ба оризаҳои баъд аз амал гирифтор нагардад.

- Метавонам ҳамзамон илова намоям, ки мо инчунин ба амали аз байн бурдани омоси майнаи сар даст задем ва ин гуна амалро низ бобарор анҷом додем.

Сатторов Ромиш ҷавонест, ки чанде пеш ба бемории омоси майнаи сар гирифтор шуда буд ва дар бемористони Ибни Сино ӯро амал намуданд.

        Чунонки  ки худи Ромиш нақл мекунад, қаблан ӯро ҳеҷ дарде азият намедод. Вале дар вақти дар Донишгоҳи тиббӣ дар соли шашум таҳсил намуданаш баъзе нишонаҳо пайдо шуданд. Дардҳои шабонаи сар ва рагкашиҳо ӯро ба назди нейроҷарроҳ оварданд, ки дар натиҷа дар миёни пардаҳои майнаи сар омоси рушдкунандаро пайдо намуданд. Баъди ташхиси рентгену томографияи компютерӣ духтурон қарор намуданд, ки Ромиш бояд ҷарроҳӣ  шавад.

- Ромиш, дар вақти қабул намудани чунин қарор, оё дудила набудед?

- Ман дудила набудам, чунки дидам, ки бемористоне, ки волидонам барои ман интихоб намудаанд, беҳтарин асту бо ҳама таҷҳизоти  аврупоӣ муҷаҳҳаз гардонида шудааст. Ин ҷо мутахассисони варзида чӣ аз дохил ва чӣ аз хориҷи кишвар фаъолият менамоянд, ки ҳирфаи худро хуб медонанд. Азбаски худам низ табибам, ман  хуб мефаҳмидам, ки ин амал хеле хатарнок аст, охир майнаи сар тамоми бадани мо ва узвҳои дигарамонро идора менамояд ва заррае хатоии ҷарроҳ метавонад маро якумрӣ маъюб созад. Аммо ман медидам, ки ба ин духтурон метавон бовар намуд, барои ҳамин дудила набудам. Албатта ҳар як нафар пеш аз амал шуданаш, ҳатто қатъи курруда (апендикс) бошад ҳам, меҳаросаду метарсад, чунки ҳар як амали ҷарроҳӣ ин хатар ва таваккал аст. Аммо ман ба ин розигӣ додам, чунки мехостам дубора ба ҳаёти фаъол баргардам, зеро будани омос дар майнаи сари ман рӯз то рӯз зиндагии маро пурдардтару бадтар мекард ва ман оқибатҳои нохуби онро нағз медонистам. Мутахассисони варзидаи Ибни Сино таҳти роҳбарии нейрохирурги барҷастаи эронӣ Аббос Бахтиёрӣ тавонистанд ин амалро дар сатҳи олӣ анҷом диҳанд. Имрӯз ман дубора ҳаёти рангину бидуни дард дорам, вале ҳар дафъае ки Аббоси Бахтиёрӣ ба Тоҷикистон барои қабули беморон дар Ибни Сино ташриф меоранд, ман зуд рафта аз муоинаи он кас  мегузарам, томографияи компьютерӣ мекунам, чунки мехоҳам бидонам, ки такроршавии омос сурат нагирифтааст.   

Доктор Мирзобеков илова менамояд, нейроҷарроҳони бемористон ҳамзамон ба ҷарроҳии аз байн бурдани омоси ҳароммағз ва мӯҳраи гардани сутунмӯҳра даст мезананд, ки хеле амалҳои нозуканд.

- Барои гузаронидани чунин амалҳо тахассуси баланд ва таҷҳизоти муосир зарур аст, ки ҳамаи ин  шароитҳо дар бемористони Ибни Сино таъмин гардидаанд, - мегӯяд духтур Мирзобеков.

- Мо бо чунин ҳолатҳое рӯ ба рӯ гардидем, ки омос дар қисмати даруну беруни ҳароммағз ҷойгир шуда буд. Ин беморон дар ҳолате ба мо муроҷиат намуданд, ки дар ҳама беморхонаҳои дигар онҳоро қабул накарданду амал намудани онҳоро рад карданд. Мо онҳоро қабул намуда, дар рафти ташхису рентген  омосро пайдо карда, бо ҷарроҳӣ онро аз байн бурдем.

        Тасмими  кушодани шуъбаи нейроҷарроҳӣ дар Бемористони Ибни Сино замоне қабул гардид, ки роҳбарияти бемористони вазъияти ин соҳаро дар кишвар таҳлил карда, ба қароре омаданд, ки таъсис додани чунин як бахш бо ҳама таҷҳизоти замонавии тиббӣ шарт ва зарур аст, то ки гирифторони ин гуна бемориҳо тавонанд дар дохили кишвар бидуни сафар намудан ба хориҷа ва сарфу хароҷотҳои гарон худро табобат намоянд. Инчунин тавассути ширкати «Суғуртаи миллӣ», ки дар назди бемористон фаъолият менамояд, табобат дар ин гуна бемористони замонавӣ барои ҳама қишрҳои ҷомеа дастрас мегардад.

 

 

 

ФОТО