БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • Сойти мо

    Дӯстони гиромӣ,

    Сойти нави мо бо нишонии https://bis.tj/tg/ омода, фаъол ва қобили истифода аст.

     
  • Крипторхизм чист ва чаро кӯдакон бо ин мушкил ба дунё меоянд?

    Яке аз мавзуъҳои мубрами соҳаи уролоҷӣ ин ноҳинҷорӣ ё нуқси модарзодии узвҳои ҷинсии кӯдакон мебошад.

     
  • CODE BLUE

    Оё медонед "Code blue" чи истилоҳест?

    Ин код дар бемористонҳо барои наҷоти бемороне, ки ба исти қалбӣ ё иттифоқҳои дигари ба ҳаёт таҳдидкунанда дучор мешаванд истифода мешавад. Вақте беморе дар бемористон ба эҳё ниёз пайдо мекунад, лозим аст, ки тамоми мутахассисон ба як бор огоҳ шаванд ва дар кӯтоҳтарин фурсат ба сари болини он бемор ҳозир шаванд.

Мо дар Facebook

Обу ҳаво

Бахши офталмологӣ

МАШВАРАТИ ЧАШМПИЗИШК

Қабули чашмпизишк 83 сомони арзиш дорад ва амалкардҳои зеринро дар бар мегирад:

1. Қабул ва муоинаи бемор (муоина бо биомикроскоп, тонометр, авторефракератометр, визометр, линзометр ва ретиноскоп).

2. Ҷамъоварии анамнез бо дарназардошти вежагиҳои фардии мариз.

3. Баҳодиҳии ҳолати саломатии мариз ва таъини озмоишҳои иловагӣ.

4. Баррасии озмоишҳо (томографияи рагҳои сар, ренгенографияи каҷшавии биниш, УЗИ- шабакия(сетчатки))

5. Таҳлили натиҷаҳои бадастомада ва гузоштани ташхис.

6. Тавсияи табобат(навиштани дорухат ё тавсияи ҷарроҳӣ)

7. Таҳияи ҳуҷҷатгузории дахлдори тиббӣ.

Дар зимн қабули мариз дар муддати 7 рӯз бе пардохти иловагӣ амал мекунад. 

Мутахассиси бахши чашмпизишкӣ (офталмологӣ) Бемористони Ибни Сино доктор Бобоҷонова Шаҳло рӯзҳои душанбе то ҷумъа аз соати 8 то 17 ва рӯзҳои шанбе аз соати 8 то 12 ба қабули мизоҷон машғул аст. Бахши чашмпизишкӣ дар ошёнаи 3 юми бемористон ҷойгир аст ва дар ин ҷо бемориҳои гуногуни чашм аз қабилӣ: 

- олусӣ;

- катаракта (оби марворид);

 - фишорбаландии чашм (глаукома);

- илтиҳоби мултаҳима (конъюнктивит); 

- амблиопия ("чашми танбал");

- макулодистрофӣ; 

- синдроми чашми хушк;   

- астигматизм;   

- наздикбинӣ (близорукость);

- дурбинӣ (далнозоркость);     

- птоз;         

- бемориҳои қарияи чашм;               

- блефарит;

- бемориҳои пилкҳои чашм;- бемориҳои шабакияи чашм; 

- бемориҳои эндокринӣ дар кудакон ва бузургсолон ва тағйири синну солии қисмати пеши чашм (қария, инабия) ташхису табобат мегарданд. 

Инчунин дар бахши чашмпизишкии бемористон бо истифода аз усулҳои муосир ҷарроҳиҳои зерини чашм анҷом дода мешаванд:

- факоэмулсификасия (ҷарроҳии оби марворид- катаракта);

- ҷарроҳии олусӣ ва оризаҳояш;

- синустрабекулэктомия - ҷарроҳии фишорбаланди дар чашм;

- дакриосисториностомия (DCR) ҷарроҳӣ дар узвҳои ашк ва оризаҳои он; 

- гирифтани нохунак  (птерегиум);

- блефаропластика.

Дар ин ҷо бо истифода аз таҷҳизоти муосир ва усулҳои навтарини табобат муоинаҳои зерини узви биноиро низ анҷом медиҳанд:

1. Визометрӣ - муйян намудани тезбинии чашм.

2. Авторефракератометрӣ - таҳқиқи компютерӣ қарнияи чашм, ки дар муддати якчанд дақиқа дараҷаи пастшавӣ - тезбинии чашмро муйян менамояд.

3. Ретиноскопӣ - аз назаргузаронии қаъри чашм ба воситаи таҷҳизоти махсус бо имконияти таҳқиқи шабакия, ҳалқаи асаби биноӣ ва рагҳои қаъри чашм, минтақаи макула дар шабакия.         

4. Биомикроскопӣ - муоинаи қисмҳои пеши курраи чашм (қарния, рагҳои навпайдошуда, хирашавии булурак ва ҷурми шишамонанд).

5. Тонометрӣ - чен кардани фишори чашм. 

6. Линзометрӣ - муоинаи дараҷаи айнак.

Нархномаи хизматрасониҳои бахши офталмологиро метавонед аз ин нишонӣ пайдо кунед: http://www.ibnisino.tj/tg/narkhnoma/dushanbe/670-chashmpizishki.html

ФОТО