БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • КӮТОҲИИ ҚАД

    Эндокринологи бемористон,

    Доктор Аббоси Тавакуллиён.

     

    Ҳар чизе дар ин олам як таърифи хос ва меъёр, тарҳ ва нақшаи махсус дорад. Тақрибан ҳамаи кӯдакон, агар норас ва зудрас таваллуд нашаванд ва ё ба бемории генетикӣ гирифтор набошанд, ҳангоми таваллуд шудан қади онҳо тақрибан аз 47 см то 53 см ва бо таври мутаввасит 50 см хоҳад буд.

     
  • БЕМОРИИ ФИБРОКИСТОЗИ ПИСТОН

    Эндокринологи бемористон,

    Доктор Аббоси Тавакуллиён.

     

    Вуҷуди тӯдаҳои хурд бо теъдоди бисер дар ҳарду пистонро, ки дар назди онҳо кистаҳои хурд дида мешаванд, пистонҳои фиброкистӣ меноманд. Доштани пистонҳои фиброкистӣ аслан ва абадан як мушкили ҷиддӣ намебошанд.

     
  • ЗОБИ БАЪД АЗ ВАЛОДАТ

    Эндокринологи бемористон,

    Доктор Аббоси Тавакуллиён.

                                    

    Як намуди хеле шоеъ аз бемориҳои ғадуди сипаршакл, зоби баъди валодат аст. Аз ҳар 10 зани валодаткарда, яке аз онҳо гирифтори зоби пас аз валодат  мегардад. Зоби баъди валодат дар касоне иттифоқ меуфтад, ки зоби камкори пинҳонӣ дошта бошад, аммо аз вуҷуди он бехабар бошад.

Мо дар Facebook

Обу ҳаво

Илтиҳоби сурхбодӣ (Рожа)

Сурхбод ё илтиҳоби сурхбодӣ - бемории вазнини сироятист, ки нишонаи зоҳирии он иллтиҳоби шадиди сатҳи пӯст ба шумор меравад. Сурхбод метавонад дар ҷойҳои гуногуни бадани инсон пайдо шавад ва гӯши инсон низ аз он истисно нест. Сурхбод дар гӯш, бештар системаи лимфавии сатҳи пӯсти гӯши берунӣ ва зербахшҳои онро фаро мегирад. Сурхбод аз рӯи паҳнгаштанаш дар системаи муосири патологияҳои илтиҳобӣ

ҷои 4 умро ишғол мекунад. Ангезандаи беморӣ дар бештари маврид, вируси стрептококки β-ҳемолитикии гурӯҳи А шумурда мешавад. Ин вирус тавассути захмҳо ё дигар иллатҳои пӯст вориди организми одам мегардад. Аммо на ҳама одамон, ки ин вирус ба баданашон ворид мегардад, метавонанд гирифтори ин беморӣ бошанд. Аз рӯи таҳқиқоти олимон, наздик ба 15% одамони дорои ин вирус, ба бемории сурхбод гирифтор намешаванд. Чун барои сар задани ин беморӣ як қатор омилҳои дигар монанди: эҷоди захмҳо ва иллатҳо дар пӯст; якбора дигаргун гаштани ҳарорат; ҳолати стресс; офтобхӯрдагии пӯст (загар); ва ҷароҳатҳои гуногун нақши калон доранд. 
Беморони гирифтор ба сурхбод одатан шикоят аз сӯзиш ва дардмандӣ дар ноҳияи гӯш мекунанд.

Аломатҳои асосии сурхбод иборатанд аз:

-        сурхшавии намоёни суримонанд (эритематозӣ); 

-        варами пӯсти сатҳи суфраи гӯш бо фарогирии нармаи он;

-        дарди сахт ҳангоми палмосидан. 

Ҳудуди илтиҳоби аз пӯсти солими атроф комилан фарқ мекунад ва бо сурхӣ ва болинчакҳои варамида, ҷудо мегардад. Намуди ҳубобии (булёзии) сурхбод, бо пайдоиши ҳубобчаҳо зоҳир мегардад ва дар бештари маврид ихроҷи зардобӣ (серозӣ) дорад. Илтиҳоби сурхбодӣ, баъзан ба ноҳияи изофаи пистоншакл тӯл кашида, шабеҳи бемории мастоидит мегардад. Сурхбод бо табларза ва баландшавии ҳарорати бадан то 39-40* С ва сӯзиши шадиди гӯш сурат мегирад. Дар ҳолатҳои вазнин ҷараёни беморӣ дарозмуддат гардида, дар он давраҳои оромӣ ва авҷи раванд ба қайд гирифта мешаванд.

Ташхиси бемории сурхбод одатан дар асоси аломатҳои клиникӣ гузаронида мешавад. Илтиҳоби вирусиро дар натиҷаи таҳқиқотҳои озмоишгоҳӣ муаян мекунанд. Инчунин фарқ кардани сурхбод аз дигар бемориҳои илтиҳобӣ (монанди перихондрити суфраи гӯш) бениҳоят муҳим мебошад. Аломати фарқунандаи сухбод, ин густариши раванди илтиҳобӣ ба нармии гӯш ва минтақаҳои ҳамсоягии пӯст ба шумор меравад.

Табобати беморӣ амбулаторӣ буда, барои пешгии густариши сироят, дар баъзе мавридҳо беморро аз атрофиён алоҳида нигоҳ медоранд. Дар чорабиниҳои маҷмӯии табобатӣ - антибиотикҳо мавқеъи муҳмиро ишғол мекунанд. Ба беморони гирифтор ба сурхбод бештар пинитсилин, антибиотикҳои қатори сафалоспоринӣ таъин карда мешаванд. Инчунин истифода аз маводҳои антиҳистаминӣ, витаминҳо ва хамираҳои зиддиилтиҳобӣ дар табобати сурхбод муфид қарор мегиранд. Усул ва муддати табобатро, танҳо мутахассиси ЛОР муаян мекунад. 

Дар Бемористони Ибни Сино шуъбаи ЛОР фаъолият мекунад ва дар он мутахассисони варзидаи ватанӣ ва хориҷӣ ҳамарӯза дар хидмати мизоҷон қарор доранд. Шӯбаи ЛОР бо дастгоҳҳои зарурии ҳозиразамон муҷаҳҳаз гаронида шудааст ва ин ба мутахассисони шӯъба имконият медиҳад, бо истифода аз дастовардҳои муосири техникӣ, ташхис ва табобати беморонро дар сатҳи баланд анҷом диҳанд. Аз ҷумла бемориии сурхбод дар шӯъбаи ЛОР и бемористон бо муваффақият табобат мегардад. 

ФОТО