БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ТАБОБАТИ САРАТОНИ ПРОСТОТ ДАР МАРОҲИЛИ ГУНОГУН ВА УСУЛҲОИ САМАРАНОКИ ТАБОБАТ.

    Саратоншиноси Бемористони  Ибни Сино,

    доктор Зарипов Асадулло  Гадоевич.  

     

    Саратони ғадуди прстата мушкилест, ки ба он ҳар як мард метавонад дучор шавад. Дар ҳоли ҳозир усули боэътимоди пешгирии ин беморӣ вуҷуд надорад ва фаҳмидани хатари дучоршудан ба онро ҳам касе наметавонад пешгӯи кунад.

     
  • ПОЙҲО АЗ ЧИ БЕМОРИЕ МЕТАВОНАНД ХАБАР ДИҲАНД?

    Вуҷуди ҳар гуна тағйири зоҳирӣ дар ноҳияи пойҳо, метавонад аз бемории хосе дар бадан хабар диҳад. Тағйир дар зоҳир ё ранги пӯсти пой, метавонад нишонаи вазъи саломатии баданро баён кунад ва мо чанд аълоимӣ муҳимро, ки нишон медиҳанд, бадани инсон дар чи вазъе қарор дорад инҷо меорем.

     
  • ЧИ ГУНА ОЗМОИШИ ХУНРО МЕШАВАД ХОНД?

    Мудири бахши  озмоишгоҳи

    Бемористони Байналмиллалии Ибни Сино,

    Хуросон Набиева.

     

    Хондан ва фаҳми озмоиши хун барои афроде, ки маълумоти тиббӣ надоранд мушкил эҷод мекунад. Чаро, ки ин озмоиш барои табибон тартиб дода мешавад.

Мо дар Facebook

Обу ҳаво

ОЗМОИШГОҲ

Мудири озмоишгоҳи

Бемористони Ибни Сино,

Набиева Хуросон

 

Озмоишгоҳи Бемористони Ибни Сино бо тамоми таҷҳизоти зарурӣ муҷаҳҳаз гардида, дар он мутахассисони дараҷаи олӣ, ки дар хориҷ аз кишвар малака ва таҷрибаи кориашонро сайқал додаанд фаъолият мекунанд.

Озмошгоҳ дар раванди ташхис ва табобати беморӣ нақши боризе дорад. Озмоишгоҳи бемористон асосан ба таҳқиқи материалҳои биологии гуногун, ки дар муаян намудан ва табобати бемориҳо нақши муҳиме доранд, машғул мебошад.  Дар озмоишгоҳ фаъолияти гурда, ҷигар, ғадуди зери меъда, санҷиши хусусиёти хун, пешоб, саргин ва дигар масолеҳи бадани одамӣ мавриди таҳқиқ қарор мегиранд ва дар асоси ин таҳқиқотҳо тавсифи дақиқӣ ин ё он узв дода мешавад. Инчунин дар озмоишгоҳи бемористон таҳлили умумӣ ва муфассали хун, таҳлилҳои биохимявӣ, ферментҳои гуногун, таҳлили умумии пешоб, серология, бактериология, таҳлилҳои имуноферментӣ, таҳлилҳои ҳормоналӣ ва системаи лахташави хун гузаронида мешавад.

Озмоишгоҳи Бемористони Ибни Сино яке аз муҳимтарин бахшҳои беморитон ба шумор меравад. Аҳамият ва лавозимӣ озмоишгоҳро наметавон нодида гирифт. Муваффақияти ташхиси бемористон дар табобати бемориҳои гуногун, маҳз аз фаолияти озмоишгоҳ вобастагӣ дорад. Мутахассисони озмоишгоҳ ҳангоми бархурд бо мизоҷон кӯшиш мекунанд бо онҳо боҳтиромона муносибат кунанд ва дар раванди таҳқиқ бо дигар бахшҳои бемористон ва табибон равобити танготанг доранд. Кори мутахасссони озмоишгоҳ бисёр махсус буда, таваҷҷӯҳи хосеро тақозо мекунад. Чун ташхис ва табобати дурусти мизоҷони мо аз онҳо вобастагӣ дорад.

Таҷҳизоти замонавии озмоишгоҳ имкон медиҳад муоинаи дақиқи ин ё он мавод, ҷавобгӯ бо стандартҳои ҷаҳонӣ амалӣ гардад. Барои мисол, чанде қабл озмоишгоҳи бемористон соҳиби якчанд дастгоҳҳои нодири ташхиси хун гардид, ки онҳо таҳлилҳои умумии хунро, бо стандартҳои ҷаҳонӣ имкон медиҳанд. Бояд гуфт, ки дар озмоишгоҳи бемористон танҳо аз хун садҳо намуди озмоишҳо гирифта мешаванд. Барои мисол таҳлили умумии хун, бохимияи хун, лахташавии хун, муайян шудани вақти лахташавии хун, серология, газҳои хун ва ғайра. Инчунин мо озмоиши имунноферментию бактериологӣ, озмоишҳои нутфа, озмоишҳои таҳлили умумии пешоб, капрология ва ғайра мегузаронем. Вобаста аз теъдоди намакҳо, гази хун ва микроэлементҳои хун маълум мешаванд, ки кори гурда, шуш, ҷигар ва дигар узвҳоро муаян мекунанд. Инчунин аз бофтаю мушакҳо ва омосҳо пораи ҳуҷайраҳои бемор (биопсия) бардошта мешавад ва хушхим ва ё вахим будани он муайян мегардад.  Инчунин озмоишгоҳи бемористон дорои дастгоҳи автоматии Минивойдос мебошад ва он имкон медиҳад, ташхис бо суръат ва сифати баланд ва дар кӯтоҳтарин муддат анҷом дода шавад. Ин дастгоҳ қобилияти анҷоми 57 тести озмоиширо доро мебошад. Барои бехатарии мизоҷон ва пешгирии бемориҳои сироятӣ, дар озмоишгоҳ танҳо аз васоили якмасраф истифода мебаранд. Нархҳои хизматрасонии озмоишгоҳи бемористон низ аз дигар муасисаҳои табобатии кишвар чандон тафовут надоранд.

 

 

ФОТО