БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

Мо дар Facebook

Обу ҳаво

Наҷоти бемор вазифаи асосии мост!

  28-05-2013 Бемори 65 солае, ки ин ҳафта бо шикояти дарди камар, табларза ва бемадорӣ ба Бемористони Ибни Сино муроҷиат намуд, аз он изҳори нигаронӣ дошт, ки моҳи октябри соли 2012 дар яке аз бемористонҳои маҳаллӣ ҷарроҳии пиелопластика гардида бошад хам пас аз он ҳолаташ беҳ нагардидааст. Табобатҳои зиёди баъди ҷарроҳӣ низ дар дигар марказҳо натиҷа надодаанд.

 

Пас аз муроҷиати бемор ба Бемористони Ибни Сино пизишкон муайян намуданд, ки ӯ мубталои тангии тӯлонии (5-6 см) қисми болоии ҳолиб (мочеточник)  буда, ҳамчунин санге бо андозаи як см. дар қисми болоии ҳолиб гузариши онро бастааст. Пизишкони бемористон тавасути эндоскоп ин тангиро бартараф намуда, ҳамзамон сангро низ аз он гирифтанд. Ҳолати бемор беҳ гардид ва дар шабонарӯзи чаҳорум баъд аз амали ҷарроҳӣ ба хонааш мураххас шуд.

ФОТО