БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • Таб чист?

    Кардиологи бемористон,

    доктор Малика Юсупова.

     

    Чаро бисёриҳо аз таб метарсанд?

    Таб аз нигоҳи илми пизишкӣ аксуламал ё вокуниши системи эмании бадан ба беморӣ ё таъсири авомили хориҷӣ дар бадан аст. Аммо на ҳама вақт бояд аз он ҳарос дошт. Ҳарорати меъёр асосан аз 36.6 то 37 дараҷа маҳсуб мешавад.

     
  • Хариди дору ва васоили тиббӣ дар Бемористони Ибни Сино чи гуна сурат мегирад?

    Масъули воридот ва таъминоти бемористон,

    Фарзона Абдуллоева.

     

    Дар Бемористони Ибни Сино хариди маводи доруӣ ва васоили тиббиро масъули воридот аз бахши таҳия ва танзим ё таъминот анҷом медиҳад. Маводи доруиро бемористон танҳо барои таъмини ниёзҳои худ ворид мекунад.

     
  • Ҳадафи мо мусоидат кардан ба беҳбуди саломатии борварии шумост!

    Гинекологи бемористон,

    доктор Ситора Қодирова. 

     

    Бахши гинекологии Бемористони Ибни Сино фаъолияти худро аз соли 2011 ба ин сӯ ба роҳ монда ва ҳоло даҳҳо нафар барои муоина, ташхис, дармон ва ҷарроҳиҳо ҳамарӯза муроҷиат мекунанд.

Мо дар Facebook

Обу ҳаво

Чаро бо усули Эндоскопия бояд табобат намуд?

Ҳанӯз 2500 сол қабл табибон дар мавриди усулҳои барқароргардонии ҷараёни пешоб аз обдони басташуда, бо роҳи ворид намудани найчаҳо ба роҳҳои пешобгузар фикр мекарданд. Хушбахтона, бо тараққиёт ва пешрафти илму техника, инсоният роҳҳои бартараф намудани ин бемориро низ ноил шуд. Акнун тариқи истифода аз таҷҳизоти резектор, роҳҳои пешобрави обдон боз карда шуда, ин амал зуд ва босифат иҷро карда мешавад!

Ғадуди простата ҳамагӣ 2 х 3 см. буда, 30 грамм вазн дорад. Бо гузашти вақт ва рафтани сину сол ин ғадуд хаҷман бузургтар шуда, мушкилиҳои зиёдеро ба бор меорад. Дар мавриди пайдоиши ин беморӣ, оқибатҳои он ва тарзи табобату имконоти мавҷудаи имрӯза суҳбате доштем бо урологи Бемористони Ибни Сино доктор Мубин Аминов, ки фишурдаи онро инҷо меорем:

Гиперполизияи хушсифати ғадуди простата, бемории урологиест, ки дар миёни мардони синну солашон бузург, бештар ба назар мерасад. Аз рӯи маълумотҳои эпидемиологӣ ин навъи беморӣ дар 40% мардони аз 50 то 60 сола, 50% - и мардони аз 60 сола боло ва дар 90%- и мардони аз 80 сола боло дида мешавад.

Асоситарин шикоят ҳангоми гиперлазияи хушсифати ғадуди простата, ин душворӣ ва дер омадани пешоб, ҷараёни сусти пешоб, ҳиссиёти пурра холӣ нашудани обдон, омехташавии хун бо пешоб, пешобкунии  мукаррар дар шаб ва инчунин бознаистодани пешоб мебошанд. Ин беморӣ бо усулҳои гуногун табобат карда мешавад, аммо беҳтаринаш усули ТУРП мебошад.

ТУРП-и простата, бардоштан аз тариқи пешоброҳ, яке аз усулҳои роиҷ ва маъмулии ҷарроҳии эндоскопии варами ғадуди простата ба шумор меравад. Ин усул «меъёри тиллоӣ» дар ҷарроҳии беморони варами ғадуди простата маҳсуб меёбад. Барои иҷрои ин амал, аз резектоскоп истифода мебаранд.. Баъди ҷарроҳӣ резектаскоп гирифта шуда ва ба ҷои он, ба дохили обдон найчаи махсуси  Фоли ворид карда мешавад.

Бартарии ТУРП нисбати ҷарроҳии кушода дар ин аст, ки ин усул: камосебтар, камҷароҳаттар, давраи баъди ҷарроҳии кӯтоҳтар буда, беморон онро хубтар таҳаммул мекунанд. Ҳадди гирифтори ба бемориҳои сироятӣ дар ин усули ҷарроҳӣ ниҳоят паст аст.

Киҳо метавонанд аз ин ҷарроҳӣ истифода намоянд:

-дар синну соли ҷавонӣ, барои нигаҳдоштани тамоюли ҷинсӣ.

-ҳангоми пайдо шудани шубҳа ба саратони простата.

-ҳангоми фарбеҳӣ ва бемориҳои системаи рагҳои дил, роҳҳои нафаскашӣ ва эндокренӣ, ҳангоми бемориҳои роҳҳои поёнии пешобгузар.

Барои муайян намудани нишонаҳо ва табобати ин беморӣ, Бемористони Ибни Сино тамоми шароитро дорост ва ҳамеша омодаи пазириши ниёзмандон аст.

Маълумоти  бештар дар бораи ин беморӣ ҳафтаи оянда дар ҳафтаномаи  «Авитсена» нашр мешавад! 

ФОТО