БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ЯТРОГЕНӢ ЧИСТ?

    Пизишки умумии бемористон,

    Ҳамроалиева Ноҳида.

     

    Ятрогенӣ (аз юнонии қадим ἰατρός "табиб" + γενεά "таваллуд") - бадшавии ҳолати ҷисмонӣ ё равонии бемор аст, ки  бо сабаби саҳлангории мутахассиси соҳаи тибб рух медиҳад.

     
  • БЕМОРИИ ҶОҒАР

    Эндокринологи бемористон,

    Доктор Аббос Тавакуллиён.

     

    Бемории ҷоғар, яъне ғадуди сипаршакл аз андоза калонтар шудан аст. Дар сурати ботаҷриба будани табиби эндокринолог метавонад тағйироти андозаи ғадуди сипаршаклро бо муоина ташхис гузорад. Дар сурате, ки табиб натавонад бо муоина андоза ва хусусиятҳои зобро муайян созад, он гоҳ тавассути УЗИ метавонад онро муайян созад.

     
  • НОҲАНҶОРИИ (АНОМАЛИЯИ) ЭБШТЕЙН

    Ноҳанҷорӣ ё аномалияи Эбштейн бемории нодирӣ модарзодии дил мебошад. Ин беморӣ миёни тамоми иллатҳои модарзодии дил 1% ро ташкил медиҳад. Бемории мазкур бори аввал аз ҷониби осебшинос (потологоанатом) Эбштейн тавсиф гардидааст. Ҳангоми ин иллат, девораҳои қапқоқои рости даҳлези дил, на аз ҳалқаи даҳлезӣ-меъдачавӣ, балки аз девораҳои меъдачаи рост берун меоянд ва ба пуррагӣ ҷафс намешаванд (норасоии қапқоқи трискупид).

Мо дар Facebook

Обу ҳаво

Мо табобати босифат ва босамарро кафолат медиҳем!

Одатан ба назди гинеколог занону духтарон меоянд, аммо вақте мо дохили утоқи кори мудири шӯъбаи гинекологияи Бемористони Ибни Сино Ситора Қодирова гардидем, он кас, бо истифода аз расму дастурамалҳо, ба ҷавоне тарзи фаъолияти бачадон ва ҷараёни ҳомилагиро мефаҳмониданд.

Ситора Қодирова аз ҷумлаи мутахассисонест, ки ба ҷуз донишу таҷрибаи андӯхта, боз дар кишварҳои Эрону Ҳиндустон, Қибриси шимолӣ бар дониши худ афзудаву аз таҷрибаи пешқадам баҳраҳо бардошта аст. Бо вуҷуди зиёд будани теъдоди ниёзмандон, арзи сипос менамоем, ки доктор вақт ҷудо карда, ба саволҳои мо посух доданд:

 

- Ҳамарӯза оилаҳои ҷавоне, ки безурётӣ ва дигар бемориҳои занона барои хушбахтии комили онҳо монеъа эҷод кардааст, ба мо муроҷиат мекунанд. Дар панҷ моҳи охир аз рӯи барномаи индуктсияи овулятсия (ҳаҷман калон кардану кафонидани тухмакҳо) ба 10 ҷавонзан хидмати тиббӣ расонида шуд, ки солҳои тӯлонӣ аз ранҷи бефарзандӣ азоби рӯҳӣ мекашиданд. Ҳамаи ин занон бомувафақият давраи ҳомилагиро ба анҷом расонида истодаанд ва дар ҳолати зарурӣ аз машварату тавсияи мо баҳраманд мешаванд. Мо бо тамоми мизоҷонамон тамоси доимӣ дорем.

- Кадом бемориҳои занона дар ин шӯъба табобат мешаванд?

- Агар гӯем, тамоми бемориҳои занона табобат карда мешаванд, хато намекунем. Илова бар ин тармими эстететикӣ ва коректсияи берунаи узвҳои гениталӣ дар сурати фуромадани девораи пешу паси маҳбал (рентоселлия, систатселия) анҷом дода мешавад. Табобати безурётӣ бо роҳи найчавӣ: гистеросалринграфия (рентгени найчаҳои тухмгузар), пертубатсия (ворид кардани ҳаво ба найчаҳо барои кушода кардани найчаҳо ҳангоми безурётии найчавӣ), синпинголизиси лапароскопӣ (ҷарроҳии лапароскопии найчаҳо) ба таври комил ва бо сифати баланд дар мо анҷом дода мешавад.

- Кадом намуди ҷарроҳиҳо гузаронида мешавад?

- Дар шӯъба барои анҷоми амалиёти ҷарроҳии гуногун аз таҷҳизоти лапароскопӣ ва гистероскопӣ истифода шуда, барои табобати беморони гинекологӣ ба таври ҳатмӣ асбобҳо як маротиба истифода мешаванд. Ҷарроҳиҳои миомаи бачаддон, миомэктомияи консервативӣ, яъне нест кардани миома тавасути амали лапароскопӣ ва гистероскопӣ бо ҳифз намудани танаи бачадон низ дар муддати кӯтоҳ анҷом дода мешавад. Мавриди зикр аст, ки аксари ин амалҳо дар филиалҳои бемористони мо (Хуҷанду Фархор) низ ба субут расонида мешаванд.

- Қимати ин амалиётҳо чанд аст?

- Вобаста ба намуди беморӣ, қиммати табобату ҷарроҳӣ ҳамгуни дигар муассисаҳои тиббии кишвар аст. Муоинаи аввалияи табиб ҳамагӣ 50 сомониро ташкил медиҳад. Машварат ва маслиҳати якҳафтаина низ ба ин 50 сомонӣ дохил мешавад. 

ФОТО