БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • Таб чист?

    Кардиологи бемористон,

    доктор Малика Юсупова.

     

    Чаро бисёриҳо аз таб метарсанд?

    Таб аз нигоҳи илми пизишкӣ аксуламал ё вокуниши системи эмании бадан ба беморӣ ё таъсири авомили хориҷӣ дар бадан аст. Аммо на ҳама вақт бояд аз он ҳарос дошт. Ҳарорати меъёр асосан аз 36.6 то 37 дараҷа маҳсуб мешавад.

     
  • Хариди дору ва васоили тиббӣ дар Бемористони Ибни Сино чи гуна сурат мегирад?

    Масъули воридот ва таъминоти бемористон,

    Фарзона Абдуллоева.

     

    Дар Бемористони Ибни Сино хариди маводи доруӣ ва васоили тиббиро масъули воридот аз бахши таҳия ва танзим ё таъминот анҷом медиҳад. Маводи доруиро бемористон танҳо барои таъмини ниёзҳои худ ворид мекунад.

     
  • Ҳадафи мо мусоидат кардан ба беҳбуди саломатии борварии шумост!

    Гинекологи бемористон,

    доктор Ситора Қодирова. 

     

    Бахши гинекологии Бемористони Ибни Сино фаъолияти худро аз соли 2011 ба ин сӯ ба роҳ монда ва ҳоло даҳҳо нафар барои муоина, ташхис, дармон ва ҷарроҳиҳо ҳамарӯза муроҷиат мекунанд.

Мо дар Facebook

Обу ҳаво

Чашмпизишк Фирдавсӣ ба табобат шуруъ кард!

Бибиоишаи чорсола баробари ворид шудан ба утоқи чашмпизишкӣ дав-давон худро ба оғӯши доктор Фирдавсӣ партофт! Доктори маъруф низ ӯро ба зудӣ шинохта ба оғӯш гирифт ва аз чашмонаш ба меҳр буса зад. Лаҳзае пас духтарчаи тахминан 10 сола низ бо табассуми зебо вориди утоқи чашмпизишкӣ гардид. Доктор ӯро низ падарвор ба оғӯши меҳр гирифту пас аз ташхиc (Офталмохромоскопия- таҳқиқи қаъри чашм ба воситаи таҷҳизоти махсуси ранга) хулоса баровард: -Оли! Мушакҳои чашмон ҷо ба ҷо шудаанд ва дигар хафве боқӣ намонда! Бибиоша ҳам комилан шифо ёфта аст!

 Муътабари 10 соларо моҳи августи соли гузашта ва Бибиоишаи чорсоларо моҳи феврали ҳамин сол ҷарроҳӣ карда буданд. Ҳарду ҳам аз хурдсолӣ, гирифтори страбизм (олусчашмӣ) будаанд, ки марҳилаи баъдиҷарроҳии захмҳои чашмро бомуваффақият гузаронидаанд! Модари Муътабар пас аз пок кардани ашки шодӣ, ки беист аз

чашмонаш ҷорӣ мешуд, даст ба дуъо бардошту миннатдории худро байён намуд!

Мӯйсафеди 75- сола Бобои Хӯҷа, бо тавсияи дӯстон, ба Бемористони Ибни Сино ташриф овардаанд. Пас аз муоина ва ташхис шуълаи умед дар дилаш фурӯзон шуд, зеро доктор он касро дилпур кард, ки имконияти барқарор намудани бинойӣ мавҷуд аст! «Мо биноии шуморо барқарор мекунем, бояд ду рӯз доруҳои тавсиямешударо ба чашм чаконед ва умедро зинда нигаҳ доред» - таъсирбахш ва бо қатъият ҳарф зад доктор.

Тавре хабар дода будем доктор Аҳмадалӣ Фирдавсӣ тӯли се рӯз ба машварат ва табобати ниёзмандон машғул мешавад. Ёдовар мешавем, ки ниёзмандон то соати 14 метавонанд аз машаварат ва табобати доктор баҳраманд шаванд, пас аз чошт ҷарроҳиҳои мураккаб ва нозуки чашм гузаронида мешавад.

ФОТО