БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ОКСАЛАТУРИЯ ЧИСТ?

    Мудири бахши урологии

    Бемористони Ибни Сино,

    доктор Аминов Мубин.

     

    Оксалатурия бемориест, ки бо болоравии туршии шавел (намаки оксалат) дар пешоб зоҳир мешавад.

     
  • ҚУРСИ ПИОГЛИТАЗОН

    Унвони мақола

    Қурси Пиоглитазон: ҳалқаи тиллоии гумшудаи занҷираи дармони диабети навъи II дар кишвари Тоҷикистон

     

    Аббос Таваккулиёни Арҷманд: интернист, эндокринолог, диабетолог, Бемористони Байналмиллалии Ибни Сино, Душанбе, Тоҷикистон

    *Каримова Фарзона: кардиолог, Бемористони Байналмиллалии Ибни Сино, Душанбе, Тоҷикистон 

    Диловар Маҳмадёров: кардиолог, Бемористони Байналмиллалии Ибни Сино, Душанбе, Тоҷикистон

     

    Унвони кўтоҳ

    Қурси Пиоглитазон: доруи дар ҳадду андозаи Метформин, аммо ношинохта дар Тоҷикистон

     

      *Нависандаи тарафи мукотибот: Каримова Фарзона, www.ibnisino.tj, Бемористони Байналмиллалии ибни Сино, Душанбе, Тоҷикистон, Этот адрес электронной почты защищен от спам-ботов. У вас должен быть включен JavaScript для просмотра.

     
  • ОЁ БЕМОРИИ ДИАБЕТИ ҚАНДИ НАВЪИ II-РО ДАР ТОҶИКИСТОН ДУРУСТ ТАБОБАТ МЕКУНАНД?

      Унвони аслӣ

     

    Баррасии наҳваи дармони диабети қанди  навъи II  бо доруҳои хӯрокии зидди диабет дар Тоҷикистон; Оё дорухатҳо бо  дастурамалҳои ҷаҳонӣ мутобиқ мебошанд?

     

    Аббос Таваккулиени Арҷманд, интернист, эндокринолог, диабетолог, Клиникаи байналмиллалии  Ибни Сино, Душанбе, Тоҷикистон.

    *Диловар Маҳмадёров, кардиолог, Клиникаи байналмиллалии Ибни Сино, Душанбе, Тоҷикистон.

    Абдухалил Холиқзода, раиси ҳайати мудирони  Клиникаи байналмиллалии Ибни Сино, Душанбе, Тоҷикистон.

     

     Унвони кӯтоҳ.

    Оё диабети қанди навъи II-ро дар Тоҷикистон дуруст табобат мефармоянд?

     

     *Нависандаи тарафи мукотибот:  Диловар Маҳмадёров, Клиникаи байналмиллалии Ибни Сино, Душанбе, Тоҷикистон, Этот адрес электронной почты защищен от спам-ботов. У вас должен быть включен JavaScript для просмотра., +992933333138

     

Мо дар Facebook

Обу ҳаво

Мақолаҳо

Сактаи дил (инфаркт миокарда)

Бемории хатарнокест, ки аксаран бо марг меанҷомад. 50 дарсади  беморон ҳатто ба бемористон намерасанд. Аз 50 дарсаде, ки ба бемористон  мерасанд

25-30 % мефавтанд. 

Ин беморӣ бештар ба мардон хос буда, ба занҳои то панҷоҳсола нисбатан камтар таҳдид мекунад. Вале баъд аз 50- солагӣ ба занҳо низ таҳдиди ин беморӣ бештар мегардад.

Омилҳои пайдоиш ва инкишофи сактаи дилро ба ду гуруҳ ҷудо мекунем.

1. Омилҳое, ки аз  мо вобаста нестанд ва мо ба онҳо таъсир расонида наметавонем:

- ҷинсият: бештар мардон гирифтори ин беморӣ  мешаванд (занон баъди 50- солагӣ, то ин синну сол  рагҳои хунгарди  занҳоро ҳормонҳои ҷинсиашон ҳимоят мекунанд)

-ирсият: агар аз гузаштагон (хешовандони наздик) нафаре  ба бемориҳои сактаи дил, сактаи мағз, бемориҳои норасоии дил гирифтор шуда бошад (махсусан то 55- солагӣ)

2. Омилҳое, ки мо метавонем онҳоро таҳти назорат дошта бошем:

 - чарбии хуни зиёд аз меъёр; 

- сигоркашӣ; 

- бемории Диабети қанд; 

- фишорбаландӣ; 

- фарбеҳӣ.

Бояд таъкид  кард, ки рӯиҳам омадани омилҳо хатарро бамаротиб зиёдтар мекунад.

Дар кадом ҳолат сактаи дил руй медиҳад?

Дили мо, ки вазифаи хунрасониро дар бадан иҷро мекунад, худаш низ ба хунрасонӣ эҳтиёҷ дорад, зеро бо оксиген ва ғизо тавассути хун таъмин мегардад. 

Дил бо рагҳои хунгузар фаро гирифта шудааст, ки  аз сабаби ба тоҷ монанд будан онҳоро рагҳои коронарӣ меноманд. Танг шудани ин рагҳо ва ниҳоят қатъ шудани таъмини хун ба қисмати дил дар муддати 15-20 дақиқа ба мурдани (некроз) қисми миокард оварда мерасонад, ки онро сактаи дил меноманд. 

Сабаби тангшавии раг ва банд шудани роҳи хун чист?

       Дар хуни мо чарбиҳо ҳастанд, ки зарраҳои он ба деворҳои раг часпида,  плокҳои атеросклерозӣ (atherosclerosis plaques) ташкил мекунанд. Деворҳои раг ҳолати эластикии худро гум карда, шикананда мешаванд. Ин ҷойҳои дохили раг ногаҳон мекафад ва захмӣ мешавад. Дар ҷои ин захм хун лахт мешавад. Агар ин ҳолат пешгирӣ карда нашавад ин лахта бузург шудан мегирад ва дар ниҳоят роҳи хунро баста ба сакта оварда мерасонад.

Кафидани рӯйпуши дохилии деворҳои раг метавонад дар натиҷаи фишори ҷисмонӣ, ё стресси эҳсосӣ рух диҳад. Вале баъзан бе ягон сабаби хос низ воқеъ мегардад. Ҳатто дар вақти хоб будани шумо. 

Аломатҳои сакта кадоманд?

Дарди шадиди қафаси сина, ки қафаси синаро зер мекунад ва ба сузиш медарояд (?). Дард ба бозу, даст, пӯшт, ҷоғ ва гардан низ мунтақил мешавад.

Нафастангӣ, гоҳе қай кардан, дарди шикам, аз ҳуш рафтан низ аломатҳои ин беморӣ шуда метавонанд.

Вале баъзан ин беморӣ бидуни нишонае хуруҷ менамояд.

Дар сурати пайдо шудани ин аломатҳо фавран ёрии таъҷилиро даъват кунед!

Пешгирӣ.

Ду омили аввалӣ - ҷинсият ва ирсият ва сину сол аз  мо вобаста нестанд ва коре, ки метавонем бикунем ин аст, ки онро дар хотир дошта бошем.

Омилҳои дигар ба пуррагӣ метавонанд таҳти назорат бошанд  ва пешгирӣ шаванд.

Тамокукашӣ омили бадтарин аст, ки бояд фавран аз он даст кашид!

Агар мубталои фишорбаландӣ ҳастед, бояд фишори худро дар сатҳи  меъёр нигоҳ доред (120/80), аз вазъи обу ҳаво воқиф бошед! (гармои шадид ва буҳронҳои магнитӣ сабаби баландшавии фишор мешавад)

Чарбуи хуни худро дар сатҳи  меъёр (5 ммол/литр) нигоҳ доред!

Қанди хуни худро  пайваста назорат кунед!

Вазни худро дар сатҳи меъёр нигоҳ доред!

Бештар ҳаракат кунед ва аз ғизои серчарб даст кашед!

Агар ақалан яке аз ин омилҳо ба шумо хос аст, ба дилпизишк муроҷиат кунед ва пайваста аз муоинаи ӯ гузаред!

Агар ба ҳамаи ин нигоҳ накарда ба сактаи дил гирифтор шудед,  чӣ бояд кард?

Ҳамон тавр, ки зикр кардем, дар ҳоли пеш омадани аломатҳои сактаи дил фавран ёрии таъҷилиро даъват кунед!

Тибби имрӯза имконоти фаровонро барои табобати сактаи дил дорад, ки стентгузорӣ дар рагҳои дил, шунткунонии рагҳои дил аз ҷумлаи онҳо мебошанд ва  беморро тақрибан ба ҳаёти маъмулӣ бармегардонанд.

 

ФОТО