БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ИЛТИҲОБИ ҚАРНИЯИ ЧАШМ Ё КАРОТИТ!

    Мудири бахши чашмпизишкии

    Бемористони Ибни Сино, 

    доктор Шаҳло Бобоҷонова.

     

    Қарнияи чашм дар биноии инсон нақши муҳим дорад. Аммо ин қисмати чашми одамӣ низ дар баробари бемориҳои гуногун осебпазир мебошад. Яке аз хатароти асоси барои қарния, раванди илтиҳобӣ ба шумор меравад. Раванди илтиҳобӣ дар қарнияро дар истилоҳи тиббӣ "каротит" меноманд.

     
  • ИНКОНТИНЕНТСИЯ Ё БЕИХТИЁР ҶОРИШУДАНИ ПЕШОБ

    Мудири бахши урологии

    Бемористони Ибни Сино,                                                

    доктор Мубин Аминов.

     

    Беихтиёр ҷорӣ шудани пешбро дар забони тиб инконтинентсия меноманд. Инконтенентсия яке аз бемориҳои паҳнгашта дар таҷрибаи клиникии урологӣ ба ҳисоб меравад. Тибқи оморҳои тиббӣ, тақрибан 20% аз аҳолии курраи Замин гирифтори ин беморианд. Бемории мазкур бештар дар хонумҳо мушоҳида мешавад.

     
  • БЕМОРИҲОИ СИРОЯТӢ: АЗ ЭПИДЕМИЯ ТО ПАНДЕМИЯ

    Аз рӯи дараҷаи паҳншавӣ, бемориҳои сироятӣ метавонанд пароканда бошанд (спорадикӣ, бемориҳои ҷудогона, ки дар маҳалли муаян ва дар тӯли муаяни вақт мушоҳида мегарданд). Агар рушди беморӣ аз дараҷаи пароканда (спорадикӣ) боло равад, дар истилоҳи тиббӣ онро эпидемия меноманд.

Мо дар Facebook

Обу ҳаво

Мақолаҳо

«Арзон бе иллат нест, гарон бе ҳикмат»

   Дар урфият мегӯянд: «Арзон бе иллат нест, гарон бе ҳикмат».

Ин мақол дар мисоли ироаи хадамоти тиббӣ мафҳуми  хос  пайдо мекунад.

Бештари мардуми мо бовари  ғалате доранд, ки  хадамоти тиббӣ бояд ройгон  ё ҳадди аққал арзон бошанд.

           Дар ин амр, ки хадамоти босифати тиббӣ бояд ба ҳама дастрас бошад, шакке нест.

        Вале инро чӣ гуна метавон ташкил кард?

Сараввал бубинем, ки барои ироаи ин хидмат чӣ сарф мешавад?

-маоши мутахассис;

-васоили масрафӣ;

-дору;

-таҷҳизот;

-бино ва нигоҳдории он;

-андозҳои мухталиф  ва ғайра

      Оё имкон дорад, ки мо дар ин руйхат сарфаҷӯӣ кунем?

       Агар ба мутахассис маоши кам бидиҳем, набояд интизор бошем, ки табобати хуб мегирем.

         Агар дар масрафҳои дигар  сарфа бикунем, ноилоҷ бояд ба сирояти бемориҳо розӣ бошем.

           Агар доруи арзон мехоҳем, бояд  бидонем, ки табобат муассир нахоҳад буд.

            Агар таҷҳизоти замонавии аврупоӣ надошта бошем, ташхис  ва дармон ноқис  хоҳад буд.

             Бе барқ, гармиву сардӣ ва  ва пардохти ҳаққи обу фозилоб, ки ҷузъи  нигоҳдории бино ҳастанд,  фаъолият номумкин аст.

              Ин аст, ки маънии мақол равшан гашт. Яъне агар мо ба дунболи  сарфаҷӯӣ дар пардохти хидмати тиббӣ бошем, яқинан ба хидмати пастсифат, ки ба авориз ва ҳатто марг мерасонад, розӣ ҳастем!

              Аммо, аз тарафи дигар,  на ҳама тавони пардохти пули зиёдро барои табобат доранд.

             Пас чӣ бояд кард?

              Бояд розӣ шавем, ки ҳар ки пул надорад, дарду ранҷаш даво наёбад?

               Оё фақат мардуми кишвари мо бо ин мушкил  рӯбарӯ шудаанд?

                 Агар не, пас кишварҳои дигар ин мушкилро чӣ гуна чора кардаанд?

                Кишварҳое, ки пеш аз мо иқтисоди бозорӣ доштанд, ин роҳро тай кардаанд ва дарк карданд, ки чораи муассири ин мушкил суғуртаи тиббист.

                Суғуртаи тиббӣ чӣ гуна амалӣ мешавад?

                Суғуртаи тиббӣ қарордод ё паймонест, ки дар байни ширкати суғуртавӣ ва муштарӣ баста мешавад ва  мутобиқи он ширкат ба ивази пардохте муваззаф мешавад, ки хазинаҳои табобатии муштариро дар ҳоли пеш аз (?)  пайдо шудани зарурат пардохт бикунад.

                Мардуми мо, ки пас аз пошхӯрии Иттиҳоди шӯравӣ зиёни ҳангуфт аз коғазҳои қимматнок, пасандозҳои бонкӣ ва дигар муомилоти молиявӣ дидаанд, ба суғурта низ  бо чашми  шубҳа менигаранд. Вале дигар замона тағйир хурдаву қонун ҳоким гаштааст ва муштариён тибқи қарордодҳо метавонанд аз ҳуқуқи худ дифоъ намоянд.

                 Инак ба ҷое расидем, ки қисмати дуввуми мақолро низ таъриф мекунад. Вақте инсон мехоҳад ба саломатияш расидагӣ кунад, бояд муассисаи беҳтарини тиббиро интихоб кунад! Зеро гарон бе ҳикмат нест!

             Ба ширкатҳои суғуртавӣ («Суғуртаи миллӣ)  муроҷиат кунед ва мутмаин бошед, ки дар ҳоли пеш омадани зарурат дар беҳтарин муассисаҳои тиббӣ ройгон табобат хоҳед гирифт!

 

ФОТО