Барои табобати арзон ин тугмаро пахш кунед
БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ГУРДАИ ИНСОН ЧАРО САНГ ПАЙДО МЕКУНАД?

    Мудири бахши урологии

    Бемористони Ибни Сино,

    урологи дараҷаи олӣ 

    Аминов Мубин Муҳиддинович.

     

    Ба таваҷҷуҳи муштариён мерасонем, ки пас аз бемориҳои уфунии роҳҳои пешоб (инфекция мочевыводящих путей) ва бемориҳои мухталифи простат, сангҳои дастгоҳи пешобӣ - сеюмин бемории маъмули урологӣ ҳастанд. Истилоҳоти марбут ба бемориҳои сангҳои пешобӣ аз манобеъи гуногун интихоб шудаанд.

     
  • ҶАРРОҲИИ МУОСИРИ ТАНГИИ СУТУНМӮҲРА (Spinal Stenosis)

    Ба андешаи мутахассисон тангии сутунмӯҳра бемории бисёр паҳнгаштата ба шумор меравад. Мутахассиси бахши ҷарроҳии аъсоби Бемористони Ибни Сино Парвиз Иброҳимов мегӯяд, ки миёни бемориҳои сутунмӯҳра, тангии сутунмӯра ҷои аввалро ишғол мекунад. Тангии сутунмӯра маъмулан миёни афроди 45-50 сола бештар ба назар мерасад.

     
  • ДОКТОР АҲМАДАЛИИ ФИРДАВСӢ ДАР БЕМОРИСТОНИ ИБНИ СИНО

    Ба самъӣ азизон мерасонем, ки дар санаи 15 марти соли 2018 чашмпизишки маъруфи эронӣ, доктор Аҳмадалии Фирдавсӣ дар Бемористони Ибни Сино ба ташхис ва табобати беморон шурӯ мекунад.

Мо дар Facebook

Обу ҳаво

Мақолаҳо

Бемории санги гурда ва роҳҳои пешоб (уролитиаз)

Ин бемориест, ки санг дар гурда (чомчаҳо, лоханка) ва роҳҳои пешоб (уретра, обдон) пайдо мешавад. Андозаи ин сангҳо баробар бо  регреза то тухми мург аст. Ин сангҳо дар гурда пайдо мешаванд ва бо мачрои пешоб метавонанд ба поён ҳаракат кунанд. Ҳангоми  ҳаракат метавонанд боиси  дарди шадид шаванд.  Аҳёнан ин ҳаракот метавонад бедард низ бошад.

Сабаби пайдошавии сангҳо гуногунанд.

Сабаби якум ирсият мебошад. Дар хуни баъзеҳо  ирсан калтсий аз меъёр зиёд аст ва азбаски  санги гурда аксаран  аз калтсий иборат аст, чунин одамон  ба он мубтало мегарданд. Ғайр аз ин табодули ғизоӣ низ ирсан метавонад нақз дошта бошад, ки ин омил  ҳам сабаби пайдоиши санг мешавад. 

    Сабаби дувум омили ҷуғрофӣ мебошад. Дар чойҳои гарм инсон бисёр арақ мекунад ва камтар пешоб мекунад, ки низ сабаби пайдоиши санг мегардад. Ҳамчунин  таркиби оби ошомиданӣ низ, агар  микроэлементҳои зиёд дошта бошад,  метавонад боиси эҷоди  санг шавад.  

     Сабаби дигар таркиби ғизоӣ мебошад. 

Намудҳои санги гурда оксалатҳо, фосфатҳо ва уратҳо мебошанд. Вобаста ба  таркиби санг пизишк метавонад табобати пешгирикунанда  таъмин намояд. 

     Аломатҳои беморӣ.

Асосан ин беморӣ бо дард дар миён аз худ хабар медиҳад. Бештар, ҳаракат кардани санг дарди шадидро дар роҳҳои пешоб эҷод мекунад. Санг ҳангоми ҳаракат  гурда ё роҳи пешобро мехарошад ва ё маҷрои пешобро баста, дард эҷод мекунад. Дарде, ки дар гурда эҷод мешавад мисли дарди  роҳҳои пешоб сахт нест. Аксар вақт дарди санги гурда ва роҳҳои пешоб, дарди халамонандест, ки ногаҳон ва хеле шадид пайдо мешавад. Ин дард гоҳе то ба ҳадде шадид аст, ки боиси дилбеҳузурӣ ва қай кардан мешавад. Ранги пешоб хунолуд мешавад. Пешобкунӣ бо дард ва сӯзиш  анҷом мешавад. 

   Пешгирӣ.

Дар сурати мавҷуд будани  ин омилҳо ба пизишки уролог муроҷиат кунед. Вобаста аз омилҳои сангсоз пизишк тавсияи лозимаро медиҳад, ки хатари пайдоиши сангро кам мекунад. Таҷҳизоти мавҷуда имкон медиҳад, ки пизишк бемории шуморо дуруст ва фарогир ташхис бикунад.

     Агар дар гурда ва роҳҳои пешоб санг пайдо шавад,  чӣ бояд кард? 

Сангҳои хурд ва баъзе сангҳои нармро пизишк метавонад бо дармони доруӣ рафъ кунад. Агар санг дар ҷойҳои безарари гурда истода бошад, ки маҷрои пешобро набандад ва дарде ҳам надошта бошад,  ниёз ба коре надорад. Вале агар санг дар ҳоли ҳаракат  бошад ё дар  маҷро ҷой дошта бошад,  онро метавон  аз тариқи сангшикани дохиландомӣ бо видео-рентген контрол намуда гирифта берун овард. Агар санг дар уретра ё обдон ҷойгир шуда бошад, онро бо нефроскоп аз тариқи сурохии табиии бадан дармеоваранд. 

 

ФОТО