БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ЯТРОГЕНӢ ЧИСТ?

    Пизишки умумии бемористон,

    Ҳамроалиева Ноҳида.

     

    Ятрогенӣ (аз юнонии қадим ἰατρός "табиб" + γενεά "таваллуд") - бадшавии ҳолати ҷисмонӣ ё равонии бемор аст, ки  бо сабаби саҳлангории мутахассиси соҳаи тибб рух медиҳад.

     
  • БЕМОРИИ ҶОҒАР

    Эндокринологи бемористон,

    Доктор Аббос Тавакуллиён.

     

    Бемории ҷоғар, яъне ғадуди сипаршакл аз андоза калонтар шудан аст. Дар сурати ботаҷриба будани табиби эндокринолог метавонад тағйироти андозаи ғадуди сипаршаклро бо муоина ташхис гузорад. Дар сурате, ки табиб натавонад бо муоина андоза ва хусусиятҳои зобро муайян созад, он гоҳ тавассути УЗИ метавонад онро муайян созад.

     
  • НОҲАНҶОРИИ (АНОМАЛИЯИ) ЭБШТЕЙН

    Ноҳанҷорӣ ё аномалияи Эбштейн бемории нодирӣ модарзодии дил мебошад. Ин беморӣ миёни тамоми иллатҳои модарзодии дил 1% ро ташкил медиҳад. Бемории мазкур бори аввал аз ҷониби осебшинос (потологоанатом) Эбштейн тавсиф гардидааст. Ҳангоми ин иллат, девораҳои қапқоқои рости даҳлези дил, на аз ҳалқаи даҳлезӣ-меъдачавӣ, балки аз девораҳои меъдачаи рост берун меоянд ва ба пуррагӣ ҷафс намешаванд (норасоии қапқоқи трискупид).

Мо дар Facebook

Обу ҳаво

Бахши дандонпизишкӣ

МАШВАРАТИ ДАНДОНПИЗИШК

Қабули дандонпизишк 50 сомони арзиш дорад ва амалкардҳои зеринро дар бар мегирад:

1. Қабул ва муоинаи бемор (муоина бо оинаи дандонпизишкӣ ва зонд)

2. Ҷамъоварии анамнез бо дарназардошти вежагиҳои фардии мариз.

3. Баҳодиҳии ҳолати саломатии мариз ва таъини озмоишҳои иловагӣ.

4. Баррасии озмоишҳо (ренгенографияи дандон)

5. Таҳлили натиҷаҳои бадастомада ва гузоштани ташхис.

6. Тавсияи табобат(навиштани дорухат ё тавсияи ҷарроҳӣ)

7. Таҳияи ҳуҷҷатгузории дахлдори тиббӣ.

Дар зимн қабули мариз дар муддати 7 рӯз бе пардохти иловагӣ амал мекунад. 

Бахши дандонпизишкии Бемористони Ибни Сино яке аз бахшҳои муҳими бемористон ба шумор меравад. Ин бахш бо навтарин таҷҳизоти замонавӣ муҷаҳҳаз гардонида шудааст ва табобат дар ин ҷо бо истифода аз навтарин усулҳои кори соҳа, бо такя ба таҷрибаи мутахасисони ҷаҳонӣ ба роҳ монда шудааст.

Усулҳои муосири табобат имкон медиҳанд, мариз кучактарин нороҳатӣ ва дардро ҳангоми табобати дандонҳояш ҳис накунад. Ҳатто тазриқи сўзандору ба милк дар бахши мазкур, комилан бедард аст, зеро пеш аз ин амал, ба милки бемор гели махсус молида мешавад. Бедардкунии босифат бошад, ба табибон имкон медиҳад табобатро бо сифат анҷом диҳанд. Дар бахши дандонпизишкии бемористон табобати ҳамаи бемориҳои дандон анҷом дода мешаванд. Инчунин дар бахши мазкур руйкашкунӣ ва имплантгузории дандонҳо низ амалӣ мегардад. Аз ҷумла усули микроруйкашкунӣ инҷо васеъ мавриди истифода қарор дода шудааст. Ин усул имкон медиҳад, ки бидуни даст расонидан ба дандонҳои солим, дар муддати кўтоҳ рўйкаш(протез) гузошта шавад.

Дар бахши дандонпизишкии мо, ин амалро дар ду рӯз ба итмом мерасонанд. Асоси дармони дандонро, табобати решаи он ташкил медиҳад ва дар бахши дандопизишкии беморон ба табобати решаи дандонҳо диққати аввалиндараҷа медиҳанд. Барои назорати сифати дандон дар бахши дандонпизишкӣ, аз визиограф (рентген) истифода мебаранд. Ин дастгоҳи нодир имкон медиҳад, дар ҳамон курсии табобатѝ, саривақт аксбардорѝ ва ташхиси дандон гузаронида шавад. Ҳам вақти мизоҷ сарфа мешавад ва ҳам аз ҳуҷра ба ҳуҷра рафта навбат намеистад ва табиб ҳам билофосила табобатро шурўъ мекунад.  Умуман сатҳи пазироӣ, қабул ва хизматрасонии олӣ, бо истифода аз шароити мусоиде, ки дар ин бахш муҳайёст, ба он мусоидат менамояд, ки таваҷҷўҳ ва муроҷиати шаҳрвандон ба ин бахш рўз аз рўз зиёд гардад.

 

ФОТО