БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • Таб чист?

    Кардиологи бемористон,

    доктор Малика Юсупова.

     

    Чаро бисёриҳо аз таб метарсанд?

    Таб аз нигоҳи илми пизишкӣ аксуламал ё вокуниши системи эмании бадан ба беморӣ ё таъсири авомили хориҷӣ дар бадан аст. Аммо на ҳама вақт бояд аз он ҳарос дошт. Ҳарорати меъёр асосан аз 36.6 то 37 дараҷа маҳсуб мешавад.

     
  • Хариди дору ва васоили тиббӣ дар Бемористони Ибни Сино чи гуна сурат мегирад?

    Масъули воридот ва таъминоти бемористон,

    Фарзона Абдуллоева.

     

    Дар Бемористони Ибни Сино хариди маводи доруӣ ва васоили тиббиро масъули воридот аз бахши таҳия ва танзим ё таъминот анҷом медиҳад. Маводи доруиро бемористон танҳо барои таъмини ниёзҳои худ ворид мекунад.

     
  • Ҳадафи мо мусоидат кардан ба беҳбуди саломатии борварии шумост!

    Гинекологи бемористон,

    доктор Ситора Қодирова. 

     

    Бахши гинекологии Бемористони Ибни Сино фаъолияти худро аз соли 2011 ба ин сӯ ба роҳ монда ва ҳоло даҳҳо нафар барои муоина, ташхис, дармон ва ҷарроҳиҳо ҳамарӯза муроҷиат мекунанд.

Мо дар Facebook

Обу ҳаво

ТРОПИНИН - ТЕСТИ ҲАССОС БАРОИ ОШКОР КАРДАНИ САРИВАҚТӢ ВА ПЕШГИРИИ БЕМОРИИ ИШЕМИКИИ ДИЛ

Тропонин - сафедаест, ки дар раванди кашишхӯрии мушакҳо ширкат мекунад. Ин сафеда танҳо дар дохили мушакҳои арзӣ-риштаӣ(поперечно-полосатой) ва мушакҳои дил вуҷуд дорад, аммо дар мушакҳои софу ҳамвор дида намешавад.

Тропонин аз се сафеда таркиб ёфтааст, ки тропонини С, тропонини I ва тропонини Т номида мешаванд.

Тропонини Т хоси мушакҳои дил мебошад ва дар мушакҳои искелетӣ, танҳо дар давраи ҷанинии рушд вуҷуд дорад. Тропонини I низ то имрӯз танҳо дар мушакҳои дил ташхис дода шудааст ва ин ду тропонинро (Т ва I) инчунин "тропонинҳои қалбӣ" унвон мекунанд.

Ҳангоми осеби ишемикӣ ё осеби дигари селулҳои (ҳуҷайраҳо) миокорд, печидаи тропонинӣ тақсим шуда, молекулаҳои тропонин вориди хун мегарданд. Ин нишондиҳандаи некрози мушакҳои дил буда, саривақт ошкор кардани он ба табобати беморӣ кӯмак мекунад. Бо равишҳои муосири озмоиш ҷамъшавии тропонинро, аллакай баъди 3-4 соати сакта (ҳатто сактаи хурд) мешавад муайян кард. Дар натиҷа тести тропонин имкон медиҳад, ки хеле зуд сактаи миокордро ошкор кунанд ва ин ба табибон барои табобат вақти бештар медиҳад.

Анҷоми тестҳои тропонин, ҳатто дар марҳалаҳои баъдӣ, вақте ки маркерҳои дигар(CPK mb) низ дар хун ба меъёр меоянд, муҳимманд. Ҳамин тавр, ҳатто дар ҳолатҳое, ки мариз бо сабабҳои гуногун саривақт ба бемористон интиқол дода нашавад ҳам, тести тропонин имкон медиҳад ташхиси дақиқи сактаи миокорд гузошта шавад. Дараҷаи ғализии тропонин дар хун на танҳо имкони ташхиси дақиқи сактаро фароҳам меоварад, балки имкони табобати муассирро низ пешгӯӣ мекунад.

Бемориҳои системи дилу раг солиёни дароз аз лиҳози маргумир дар радифи дигар бемориҳо дар кишварҳои пешрафтаи ҷаҳон ҷои аввалро ишғол мекунанд. Тибқи маълумоти омории Созмони Беҳдошти Ҷаҳонӣ ҳамасола аз сактаи миокорд наздики 4,3 миллион сокинони Аврупо мемиранд, ки 48 дарсад аз теъдоди умумии сабабҳои марг ба шумор меравад.

Солҳои тӯлонӣ ташхиси сактаи миокорд аз рӯи алоими клиникӣ ва нишондиҳандаҳои ЭКГ сурат мегирифт. Аммо аз соли 2010 барои ташхиси сактаи миокорд дар як қатор кишварҳо тести тропонин мавриди истифодаи васеъ қарор дода шуд. Ин равиш қадами устуворе дар ташхиси саривақтӣ ва дақиқи сактаи миокорд ба шумор меравад.

ФОТО